Hugrún, geðfræðslufélag var stofnað vorið 2016 af nemendum í hjúkrunarfræði, læknisfræði og sálfræði við Háskóla Íslands. Í dag taka fjölmargir nemendur úr Háskólanum í Reykjavík og Háskólanum á Akureyri einnig þátt í starfsemi félagsins. Félagið hefur það að markmiði að fræða ungt fólk um geðheilbrigði, geðraskanir og úrræði, sem og að auka samfélagslega vitund.
Stærsta verkefni Hugrúnar ár hvert er að ferðast um landið og halda geðfræðslufyrirlestra í framhaldsskólum, endurgjaldslaust.
Auk þess hefur félagið staðið fyrir árlegum fræðslukvöldum í Háskóla Íslands, greinaskriftaátaki í tilefni alþjóðlega geðheilbrigðisdagsins, fræðslu og kynningum í félagsmiðstöðvum og fyrir foreldra- og nemendafélög. Árið 2018 gaf Hugrún út veftímarit samhliða herferðinni Huguð sem ætlað er að stuðla að opinni umræðu um geðraskanir og er aðgengilegt í gegnum heimasíðuna. Þá reynir Hugrún að ná til ungmenna með ýmsum hætti og heldur úti instagram síðunni @gedfraedsla þar sem félagið birtir góð ráð fyrir bætta geðheilsu.
Á hverju ári býðst háskólanemendum tækifæri á að starfa sem fræðarar fyrir hönd Hugrúnar. Þeir þurfa að uppfylla ákveðin skilyrði og ljúka þjálfun áður en þeir mega halda geðfræðslufyrirlestra. Fræðarar Hugrúnar eru í sjálfboðavinnu og ferðast um land allt í framhaldsskóla til að fræða ungmenni um geðheilbrigði, geðraskanir og úrræði sem standa til boða.
Starfsemi félagsins er haldið uppi af áhugasömum háskólanemendum sem brenna fyrir því að bæta vitneskju um geðheilbrigði, útrýma fordómum og styrkja ungmenni. Félagið er rekið á styrkjum, frjálsum framlögum og fjáröflunum, allur ágóði rennur í fræðslu ungmenna um geðheilbrigði.
Vefsíðan var opnuð haustið 2016 og er í stöðugri uppfærslu. Markmið hennar er að gera fræðsluefni um geðheilbrigði og geðraskanir aðgengilegt, á mannamáli.
BÓKA FYRIRLESTUR
Einfalt er að bóka fyrirlestur um geðheilbrigði og geðraskanir frá fyrirlesurum Hugrúnar. Senda þarf tölvupóst á hugrunhugur@gmail.com eða hafa samband á Facebook síðu Hugrúnar.
Hugrún veitir fræðslu fyrir ungmenni og er fyrirlesturinn gerður fyrir fyrsta árs nema í framhaldsskólum. Þá höfum við einnig tekið að okkur fræðslur í félagsmiðstöðvum. Fræðslan fjallar um geðheilbrigði, geðraskanir og úrræði. Ef það eru sérstakar óskir, vinsamlegast takið það fram.
Allir sem koma að starfsemi Hugrúnar eru í sjálfboðavinnu og fræðslan er ókeypis.
STYRKJA HUGRÚNU
Hægt er að gefa frjáls framlög til Hugrúnar með því að leggja inn á reikning 0331-26-002581, kt. 590716-0490
Hugrún fjármagnar fræðslu fyrir ungmenni um geðheilbrigði og geðraskanir um land allt með frjálsum framlögum og styrkjum. Allir sem koma að starfsemi Hugrúnar eru sjálfboðaliðar og taka félagsmenn ekki greiðslur til sín.
Kjósir þú að greiða framlag með öðrum hætti en með millifærslu biðjum við þig um að hafa samband við stjórn Hugrúnar á hugrunhugur@gmail.com eða hafa samband á Facebook síðu Hugrúnar. Facebook síðu Hugrúnar.
Stjórn félagsins
-
Þóra Jóhannsdóttir
Formaður thorajohanns99@gmail.com -
Ragna Kristín Guðbrandsdóttir
Varaformaður og Fulltrúi læknanema rkg4@hi.is -
Ína Kathinka G. Steinþórsdóttir
Meðstjórnandi og gjaldkeri inakathinka@gmail.com -
Inga Birna Sigursteinsdóttir
Fræðslustýra ingabirnasigursteinsd@gmail.com -
Hanna Tara Pálmadóttir
Markaðsstýra htp4@hi.is -
Viktoría Ýr Sveinsdóttir
Ritstýra vittysveins@hotmail.com -
Friðbjörg Lilja Rúnarsdóttir
Fulltrúi grunnnema í sálfræði flr2@hi.is -
Sandra Fawcett
Fulltrúi meistaranema í klínískri sálfræði ssf7@hi.is -
Rakel Ósk Ólafsdóttir
Fulltrúi hjúkrunarfræðinema ha170032@unak.is -
Sara Rós Guðmundsdóttir
Fulltrúi grunnnema í félagsráðgjöf srg39@hi.is