thorhildurerla@gedfraedsla.is

Þórhildur Erla Pálsdóttir

Þórhildur er meistaranemi á öðru ári í blaða- og fréttamennsku við Háskóla Íslands og stefnir að útskrift í vor. Hún er með B.Sc. í íþrótta- og heilsufræði frá sama skóla og útskrifaðist úr því námi árið 2013. Þórhildur greindist með þunglyndi og kvíða í byrjun árs 2015 og er þessi málaflokkur henni því afar hugleikinn og hún vill opna umræðuna um þessi mál ennþá frekar. Þórhildur er ritstjóri síðunnar og hyggst nýta hana til þess að koma lokaverkefni sínu á framfæri ásamt því að öðlast reynslu af ristjórnarstörfum. Þórhildur vill hafa kaffið sitt sterkt en með smá mjólk.

theodora@gedfraedsla.is

Þeódóra A. Thoroddsen

Þeódóra er með meistaragráðu í hugrænum taugavísindum (cognitive neuroscience) frá University of York á Bretlandi, þar sem hún lagði stund á rannsóknir á heilasvæðum tengdum átröskunum. Hún er með BS-gráðu í sálfræði frá Háskóla Íslands og stundaði skiptinám í taugasálfræði og hugrænum taugavísindum við Stanford University í Kaliforníu og Columbia University í New York. Þeódóra er þar að auki menntaður einkaþjálfari frá Einkaþjálfaraskóla World Class og sat námskeið í fjöldahjálp og sálrænum stuðningi hjá Rauða Krossi Íslands. Helstu áhugamál hennar og skrif beinast að tengslum ákveðinna heilasvæða og geðheilsu og tengslum hreyfingar og heilsu, ásamt nýjustu rannsóknum á meðferðarúrræðum fyrir einstaklinga með geðrænan vanda.

asi@gedfraedsla.is

Sigþór Ási Þórðarson

Ási er þriðja árs nemi í sálfræði og formaður Animu, félags grunnnema við sálfræðideild Háskóla Íslands. Hann hefur mikinn áhuga á geðheilbrigðismálum og hyggur á framhaldsnám í klínískri sálfræði.

steini@gedfraedsla.is

Þorsteinn Gauti Gunnarsson

Steini lauk B.Sc. námi í sálfræði 2011 og er að klára mastersnám í verkefnastjórnun núna í vor. Hann er húmoristi með brennandi áhuga á tónlist og öllu sem viðkemur líkamlegri og andlegri heilsu. Hann drekkur kaffið sitt sterkt eins og Þórhildur ritstjóri, sleppir samt mjólkinni en fær sér dökkt súkkulaði með.

anna@gedfraedsla.is

Anna Guðrún Guðmundsdóttir

Anna er nemi við sálfræðideild Háskóla Íslands á þriðja ári. Eftir útskrift í vor stefnir hún á framhaldsnám í klínískri sálfræði. Anna hrærist í geðmálum bæði í námi, einkalífi og starfi en hún starfar á búsetukjarna fyrir geðfatlaða. Málaflokkurinn hefur því mikil umsvif í lífi Önnu og þykir henni afar mikilvægt að fólk, og þá sérstaklega ungmenni, fái fræðslu um geðheilbrigði og geðraskanir því það snertir okkur öll. Anna kýs sér helst að drekka „lungo“, googlaðu það.

jonvidar@gedfraedsla.is

Jón Viðar Pálsson

Jón Viðar er viðskiptafræðinemi við Háskóla Íslands með brennandi áhuga á geðheilbrigði en hann var áður nemi við sálfræðideild háskólans. Hann sat í sviðsráði heilbrigðisvísindasviðs árið 2015-2016 og finnst gríðarlega mikilvægt að auka fræðslu og upplýsingu um geðheilbrigði bæði til að draga úr fordómum og til forvarnar. Hann telur jafn mikilvægt að hlúa að andlegri heilsu og líkamlegri, ekki síst í því streituvaldandi umhverfi sem heimurinn er í dag.

unnar@gedfraedsla.is

Unnar Geirdal Arason

Unnar er vefstjóri gedfraedsla.is. Hann er á sínu öðru ári í grunnnámi við Sálfræðideild Háskóla Íslands. Unnar hefur verið virkur í starfi Hugrúnar frá byrjun og þá helst í því sem snýr að vefsíðunni. Hann hefur mikinn áhuga á því að miðla fræðslu um geðheilbrigði til ungs fólks í von um að draga úr fordómum, stuðla að forvörnum, og að það hjálpi sem flestum.