Hugrún auglýsir eftir ritstjóra og ritstjórn
Geðfræðslufélagið Hugrún auglýsir eftir ritstjóra og ritstjórn fyrir vefsíðu félagsins, gedfraedsla.is. Vefurinn inniheldur greinar og fræðsluefni tengt geðheilbrigði auk þess sem fréttir af starfi félagsins birtast á síðunni. Ritstjórn sér um að uppfæra efni á heimasíðunni og móta stefnu um útlit og hlutverk heimasíðunnar í samráði við stjórn félagsins. Ritstjóri stýrir ritstjórn og ber ábyrgð á heimasíðunni. Auk þess á ritstjóri sæti í stjórn Hugrúnar.
Umsóknir sendist á gedfraedsla@gedfraedsla.is. Tekið skal sérstaklega fram hvort sóst er eftir stöðu ritstjóra eða aðild að ritstjórn. Umsóknarfrestur er til og með 3. október.
Hugrún – geðfræðslufélag var stofnað vorið 2016 af nemendum í hjúkrunar-, sál- og læknisfræði við Háskóla Íslands. Félagið hefur það að markmiði að fræða ungt fólk um geðheilbrigði og geðsjúkdóma og hefur félagið haldið yfir 100 fyrirlestra í framhaldsskólum frá stofnun félagsins.
Hægt er að hafa samband við Elísabetu Brynjarsdóttur, formann félagsins í síma 8458630 eða í gegnum netið fyrir frekari upplýsingar. Hægt er að fylgjast með félaginu á like-síðu þess, https://facebook.com/gedfraedsla, ásamt því sem öllum áhugasömum um að taka þátt í starfinu er bent á Facebook-hópinn Geðfræðsla! (https://www.facebook.com/groups/198401250522459/)